Victory
0

බියෙන් ජයග්‍රාහනයට!

 

බයිබල් පදය:

මක්නිසාද දෙවියන්වහන්සේ අපට දුන්නේ බයාදුකමේ ආත්මයක් නොව බලයෙත් ප්‍රේමයෙත් හික්මවීමෙත් ආත්මයක්ය (2 තිමොති 1:7)

හැදින්වීම

පාවුල් තුමා මෙම ලිපිය ලියන ලද්දේ තිමොති නම් තරුණ දේවගැතිවරයාටය. තිමොතිගේ මව යුදේව් ජාතික කාන්තාවක් වන අතර, පියා ග්‍රීක් ජාතිකයෙකි. තිමොතිගේ මව සහ ආච්චි යන දෙදෙනාම කිතුනුවන් වේ. කුඩා කල සිටිම, තිමොති යුදෙව් අධයාපනය ලැබ යේසුස් ක්‍රිස්තුස් වහන්සේ අදහා ගන්නා ලදී. පවුලු තුමා තිමොති වෙත යවන ලද යැවුම් පත්‍රයෙ ඉහත පදයෙන්, අපට ස්වාමින් වහන්සේ කියන්නෙ කුමක්දැයි සොයා බලමු.

නිර්භීතකම

පාවුල් තුමා දේව වචනයේ සදහන් කරන දේ නම්, බයාදුකමේ ආත්මය පැමිනෙන්නේ දෙවියන් වහන්සේගෙන් නොවන බවය. බයාදුකම නොහොත් බියසුළු කම ශුදාත්මයණන් වහන්සේ විසින් අප තුළ ඇති කරන දෙයක් නොව. මනුශ්‍යකු ලෙස අපට සිත ඇතුලේ ඇති කරන ස්වභාවයකි. පාවුල් තුමා ඉහත දේව වචන කොටස ඇතුලත් කරන්න හේතුව කුමක්ද? පාවුල් තුමා දැනගෙන සිටියා තිමොති යනු ස්වභාවෙන්ම බියගුලු සහ ලැජ්ජාශිලී තරුණයකු බව, එම නිසා පාවුල් තුමාට අවශ්‍ය වුනා ශුධාත්මයණන් තුල ඔහුට තිබෙන දේ පෙන්වා දෙන්නට. අද දින ශුධාත්මයාණන් වහන්සේ අපට කියන්නේ කුමක්ද? අප අවට අපව බිය කරන කරණා නොයෙකුත් තිබුනත්, අපගේ බිය පහකොට අපව නිර්භීත කරන පණිස, අප ශුධාත්මයණන් වහන්සේට ඉඩ දිය යුතු බවය.

බලය

ශුධාත්මයණන් වහන්සේ විසින් අපට දෙන ලද දෙවන දේ නම් බලය. බලය කරනකොටගෙන බියට මුහුන දීමට පමනක් නොව එය පරාජය කර එයට ඉහලින් ගමන් කල හැක. බිය සහ බලය කවදාවත් එකට ගමන් කල නොහැක. කල නොහැකි දේ කිරිමට ඉහලින් බලය අවශ්‍යයි. බලය තිබෙන මනුශ්‍යයා එක තැන සිටින මනුශ්‍යකු නොවන අතර, ඔහු නිර්භිතව මුහුන දී  ඉදිරියට ගමන් කරන අයෙකි. මොසෙස්, යොෂුවා, දානියෙල්, දාවිත්, පාවුල්, දේවගැති කොල්ටන් වික්‍රමරත්න වැනි අය මෙයට උදාහරණ ලෙස ගත හැක. ඔබටත් ශුධාත්මයනන් තුළ ස්වාමින් වහන්සේගෙ ශක්තියෙන් බල ගැන්වු මනුශ්‍යකු විය හැකිය.  

හික්මවීම

ශුධාත්මයණන් වහන්සේ විසින් අපට දෙන ලද තුන්වන දේ නම් හික්මවීම. අපට අපව පාලනය කර ගැනීමට ශුධාත්මයණන් වහන්සේ හැකියාව දී ඇත. යෞවන වයසේ තෘෂ්ණා වලින් දුරුව සිටින ලෙස පාවුල් තුම විසින් තිමොති හට පවසන ලදී. (2 තිමොති 2:22). බොහෝ අවස්ථාවලදී අපි අපගේ හැගීම් වලට රිසි සේ ක්‍රියා කරයි. එම නිසා හැගිම් වලට අපව පාලනය කරන්නට ඉඩ නොදී ශුධාත්මයන්ට අපව පාලනය කරන්නට ඉඩ දෙමු. එවිට අප තුල තමාව පාලනය කර ගැනීමේ හැකියාව ලැබේ.

ප්‍රේමය

ශුධාත්මයණන් වහන්සේ අපට දෙන ලද හතරවන කාරණය නම් ප්‍රේමය. ශුධාත්මයණන් වහන්සේ අපට නිර්භීතකම, බලය, හික්මවීම අපට ලබා දෙන බව දැන් අප දනිමුව. ඉහත කාරණා 3 සමග ඉදිරියට යාමට අපට ප්‍රේමය අත්‍යාවශ්‍යය. මන්ද අවසානයේ, අපගෙ ගමන යේසුස් ක්‍රිස්තුස් වහන්සේ සමග යන ගමනකි. දෙවියන් වහන්සේ ප්‍රේමයයි, එම නිසා (1 යොහාන් 4:8) අප මේ ඇදහිල්ලේ ගමන යන්නේ නිර්භිතකමෙන්, බලයෙන් හා හික්මවීමෙන් වුවද, එම කාරණා තුනෙහිම අත්තිවරම නම් ප්‍රේමය විය යුතුය. ශුධාත්මයණගේ ප්‍රේමයෙන් තොරව අපට නිර්භිතකමෙන්වත්, බලයෙන් වත් හික්මවීම වත් ඵලක් නැත. (1 කොරින්ති 13). එම නිසා යේසුස් වහන්සේගේ ප්‍රේමය අපගේ ජීවිතයේ අත්තිවාරම කර ගනිමු.

සාරංශය

අප මොහොතක් ගෙන, අපගේ ආත්මිකව කුමන ස්ථානයක සිටිනවාද කියා කල්පනා කලහොත්, ඔබට දිය හැක්කේ කුමන ප්‍රතිචාරයක්ද? ඔබ ඔබගේ අවට සිදුවන දේ දැක බයෙන් සිටිනවද? ඔබට ඉදිරියට යාමට ශක්තියක් නොමැති ලෙස හැගෙනවාද? එසේ නම් ශුධාත්මයණන් වහන්සේ සුදානමින් සිටිනවා, ඔබව නිර්භිතකොට, බලයෙන් හා ශක්තියෙන් පුර්ණ කොට, හික්මවීම ඔබට ඇති කර ප්‍රේමයෙන් පුරවනු ලැබු මනුශ්‍යකු කරනු පිණිස.

jesus-in-a-white-robe
0

ජේසුස් වහන්සේ මෙසියස් ලෙස යුදෙව්වන් පිළිනොගත්තේ ඇයි?

 

 

 

වර්ථමානයේ බොහෝ යුදෙව්වන් ජේසුස් වහන්සේ යනු පොරොන්දු වු මෙසියස් වහන්සේ ලෙස පිළිගන්න නුමුත්, ජේසුස් වහන්සේ මනුශ්‍යකු ලෙස මේ පොළොවේ සිටි කල, යුදෙව් මනුශ්‍යන් උන්වහන්සේ මෙසියස් වහන්සේ යැයි විශ්වාස කලේ නැත. ක්‍රි.පු 740 – ක්‍රි.පු 701 කාළයෙදී පමණ දිවැසිවර යෙසායා විසින් සදහන් කළ දිවැසි වැකි වලින් මතු පැමිනෙන්නට සිටින මෙසියස් වහන්සේ ජේසුස් වහන්සේ බව ස්ථිර කිරීමට සාධක තිබුනද, එකල යුදෙව් මනුශ්‍යයන් ජේසුස් වහන්සේ මෙසියස් වහන්සේ ලෙස පිළිනොගත්තේ මන්ද?

රාජකීය පවුලකින් පැවත නොඑන පුද්ගලයකු වීම

මෙසියස් වහන්සේ රාජකීය පවුලකින් පැමිනෙයැයි එකළ යුදෙව්වන විසින් ඉතා තදින්ම විශ්වාස කල දෙයකි. ඔවුන් බලපොරොත්තු වුයේ දාවිත් රජුගේ නුවර වන ජෙරුසලමෙන් පැමිනෙන මෙසියස් වහන්සේ, “යුදෙව්වා” යන්නෙහි ප්‍රතිමුර්තියක් වන බවය. එහෙත් සිදුවුයේ ඊට හාත්පසින්ම වෙනස් දෙයකි. ජේසුස් වහන්සේ පැමිනියේ ගලීලයේ අප්‍රසිද්ද ගමක, වඩු කාර්මික ගැමි පවුලකිනි. උන්වහන්සේ ආහාර වැළදුවේ සමාජයේ පවුකාරයන් ලෙස සැළකුවාවු බදු අයකරන්නන් සමගය. යුදෙව්වෙකු ලෙස සබත පවත්වනවා වෙනුවට සබත කඩ කොට රෝගීන් සුව කරන ලදී.

යුද සෙන්පතියෙකු නොවීම

බොහෝ යුදෙව්වන බලාපොරොත්තු වී සිටිය මෙසියස් නම් යුද්දයේ දක්ෂ වු යුද සෙන්පතියෙකි. දාවිත් රජතුමා ඊශ්‍රායෙල් දේශය එක්සේසත් කලාසේම මෙසියස් වහන්සේද පැමිණ එකල ඊශ්‍රායෙල් දේශය යටත් කර පාළනය කරන රෝමවරුන් පළවා හැර, ඊශ්‍රායෙල් දේශය එක්සේසත් කර, නැවත් බළවන්ත රටක් කරන්නට යන බළවත් දේශපාලන නායකයකු වන බවය (ලුක් 24:21). එහෙත් සිදුවුයේ ඊට හාත්පසින්ම වෙන්ස දෙයකි. ජේසුස් වහන්සේගේ දේශනාව වුයේ සතුරන් පළවා හරින්න හෝ ඔවුන්ට වෛර කරන්නට නොව ඔවුන්ට ප්‍රේම කරන්න කියාත්, තමන්ට පීඩා කරන අය වෙනුවෙන් යාඥා කරන්නට කියාය. (මතෙව් 5:44)

දිවැසිවර එළියා නොපැමිනීම

දිවැසිවර එළියාම පැමිණ මෙසියස් වහන්සේගේ ආගමනය නිවේදනය කර, එම පුද්ගලයා මෙසියස් යැයි ඔවුන්ට අදුන්වා දෙන බව බොහො යුදෙව්වන් පිළිගන්නා ලදී. එහෙත් පළවන ශතවර්ශයේ එළියාට සමාන පුද්ගලයෙක් එම යුදෙව්වන් විසින් නොදක්නා ලදී. ජේසුස් වහන්සේ සහ පසුව පැමිනියා වු සභාව,යොහාන් බෞතිස්මගේ පෙර ගමන්කරු සේවය අදුන ගත් නුමුත් බොහෝ යුදෙව්වන් එය එසේ දැක්කේ නැත.

දුක් විදින සේවකයකු වීම

යෙසායා දිවැසිවරයා විසින් පවසන ලද දිවැසිවැකි වලට අනුව මෙසියස් වහන්සේ දුක් විදින සේවකයකු බව සදහන් කරයි. යුදෙව්වන්ට මෙහි අර්ථය තේරුම් ගැනිමට නොහැකි වුනි. එතුමාගේ මරණය කරණ කොටගෙන ඊශ්‍රායලය නිදහස් වන බව, කුරුස ගසේ එල්ලා මැරීම සහ මළවුන්ගෙන් නැවත නැගිටීම ඔවුනට ප්‍රෙහෙලිකාවක් විය. මන්දයත්, ද්විතිය කථාව 21:23 ට අනුව එල්ලන (කුරුස ගස) තැනැත්තා දෙවියන් වහන්සේගෙන් ශාප ලද්දෙක් බව සදහන් කරන නිසාය.

මනුශ්‍යකු පමණක් වීම

ජේසුස් වහන්සේ සහ උන්වහන්සේගේ ගෝලයන් ප්‍රකාශ කල දෙයක් නම්, ජේසුස් වහන්සේ යනු දේවත්වයෙන් යුතු පුද්ගලයෙකු බවය (යොහාන් 14:9-11). එනම් දෙවියන් වහන්සේම මංශවත් වී, මනු කයක් ගෙන මෙසියස් වහන්සේ ලෙස මේ පොළොවට පැමිණිමයි. එහෙත් බොහෝ යුදෙව්වන් විශ්වාස කල දේ නම්, පැමිනෙන්ට සිටින මෙසියස් වහන්සේ දේවත්වයක් නොමැති සාමාන්‍යය මනුශ්‍යකු බවය.

සාරංශය

දෙවියන් වහන්සේගේ සැලැස්ම වුයේ යුදෙව්වන්ට පමණක් නොව මුළු ලෝකයේම මනුශ්‍යන් හට යේසුස් වහන්සේ කරණකොටගෙන අකුසලෙන් නිදහස ලබා දී, සදාකාළ ජීවනය ඔවුන්ට අත්පත් කර දීමයි. එම නිසා දෙවියන් වහන්සේ පරණ ගිවිසුමේ සදහන් කර ලෙසම යටහත්, දුක්විදින සේවකයාවු සහ ස්ව කැමැත්තෙන්ම මරණයට පූජා වු මෙසියස් වහන්සේ දෙන ලද්දේය. මෙම සැලැස්මේ ප්‍රධාන පුද්ගලයා වුයේ ජේසුස් ක්‍රිස්තුස් වහන්සේය. කෙසේ නමුත් මෙම සත්‍යතාවය යුදෙව්වන්ට පැකිලීමක් ලෙස අන්‍ය ජාතීන්ට මෝඩකමක් ලෙස සදහන් කරයි (1 කොරින්ති 1:23). එහෙත් ජේසුස් වහන්සේ මළවුන්ගෙන් උත්ථානය කරණකොටගෙන උන්වහන්සේගෙ මෙලොව මෙහෙයුම සාර්ථක වු අතර එය අදහන්නාට මහත් බලාපොරොත්තුවක් ගෙන දෙන අනර්ඝ පනිවිඩයක්‍ වේ (රෝම 1:16).

 

ග්‍රන්ථ නාමාවලිය

 

  1. Doug Powell,  Holman QuickSource Guide to Christian Apologetics , (Nashville, TN: Holman Reference, 2006).
  2. Ronald F. Youngblood, F. F. Bruce, and R. K. Harrison, Thomas Nelson Publishers, Eds.,  Nelson’s new illustrated Bible dictionary, 1995.
  3. David R. Nichols, Systematic Theology: Revised Edition, 2007.
  4. John E Schwarz, The Compact Guide to Christian Faith, 1999.

 

 

 

person-holding-coins
0

පූජාවේ දීමනාව

ක්‍රිස්තුස් වහන්සේ දේව මළිගාවේ සිටිය ආවස්ථාවේදී සිදු වු සිදුවීමකි. පොහොසතුන් පැමින විශාල මුදල් පඩුරු ලෙස දමද්දී, දිළිඳු වැන්දඹුවක් පැමින කුඩා මිළ දෙකක් වැනි සුළු මුදලක් පඩුරු දැමු විට, ස්වාමින් වහන්සේ ඇයගේ ක්‍රියාව ප්‍රශංසාවට භාජනය කරන ලදී. ක්‍රිස්තුස් වහන්සේ විසින් මෙම වැන්දඹුවගේ දීම ගැන ප්‍රසංශා කලේ ඇයි කියා අපි සොයා බලමු.

උන්වහන්සේ ඇස් ඔසවා, ධනවතුන් තමුන්ගේ පඬුරු ගබඩාවට දමනවා දුටුසේක.එක්තරා දිළිඳු වැන්දඹුවක් කුඩා මිල දෙකක් එහි දමනවාත් උන්වහන්සේ දැක:සැබවක් නුඹලාට කියමි-මේ දිළිඳු වැන්දඹුව සියල්ලන්ට වඩා දැමුවාය.මක්නිසාද මොවුන් සියල්ලෝම තමුන්ගේ වැඩිමනත් දෙයින් ගබඩාවට පඬුරු දැමුවෝය. නුමුත් මෑ තමාගේ හිඟකමින්, තමාට ජීවිකාවට තිබුණු සියල්ලම දැමුවායයි කීසේක. ශු. ලූක් 21:1-4 (SROV)

වැන්දඹුවගේ ඇදහිල්ල නිසා

වැන්දඹුවක් ලෙස ඇයට ඇගේ ස්වාමී පුරුෂයකුගේ සැපයීම ඇයට අහිමිව තිබිණි. ක්‍රිස්තුස් වහන්සේ දැනගෙන සිටිය දෙයක් නම්, මෙම වැන්දඹුව තමන්ට තිබු සියල්ල තම පඩුරු ලෙස දැමු බවත් ඇගේ අර්ථිකය ඉතාමත් අමාරු ස්ථානයක තිබුනු බවත්‍ ය. ඇයගේ ඉදිරි දවස් වලට ඇයට ජීවත් වන්නට තිබුනෙ ඉතා සුළු මුදලක් වුවත්, එම මුදල ගෙන ගොස් මෙම වැන්දඹුව දේව මාලිගාවට පූජා කරන ලදී. මෙයින් අපට පෙන්වා දෙන්නේ කුමක්ද? තමන්ට තිබු අවසාන කාසී දෙකත් ස්වාමින් වහන්සේට දීමට තරම් වැන්දඹුව තම දෙවියන් වහන්සේ කෙරෙහි තැබු ඇදහිල්ලය. ඇය විශ්වාස කල දෙයක් නම් දෙවියන් වහන්සේ ඇයගේ සැපයුම්කරු බවය. මෙම වැන්දඹුව විසින් ඇදහිල්ලෙන් ගත් පියවර වුයේ මින් ඉදිරියට ආහාර ගැනිමට තමා සතුව මුදල් නොමැති වුවත්, දෙවියන් වහන්සේ ඇයට අවශ්‍යය සියල්ල සපයන්න ඉදිරියේදී විශ්වාසව සිටින බවය. මෙම වැන්දඹුව මෙන් අපිත් ස්වාමින් වහන්සේ විශ්වාස කොට දීමේ මනුශ්‍යයන් වෙමු. මන්ද දේව වචනයේ, දෙවියන් වහන්සේ අපගේ සැපයුම්කරු බව සදහන් කරයි. දෙවියන් වහන්සේ විපත්ති හා සාගත කාළ වලදී අපට සපයා තෘප්තිමත් කරන බව සදහන් කරයි. (ගීතාවලිය 37:19)    

වැන්දඹුවගේ පූජාව නිසා

මෙම අවස්ථාවේදී පොහොසතා දෙවියන් වහන්සේට දුන් ආකරයත්, දුප්පතා දෙවියන් වහන්සේට දුන් ආකරයත්, ක්‍රිස්තුස් වහන්සේ විසින් සංසන්දනය කර බලන ලදී. එතුමාණන් එම මනුශ්‍යයන්ගේ හදවතේ තිබෙන සැබෑ ස්වභාවය දකින ලදී. උන්වහන්සේ කී දෙයක් නම්, පොහොසතා තමාගේ වැඩිමනත් දෙයින් ගබඩාවට පඬුරු දැමුවාය. වැඩිමනත් යන්නෙන් අදහස් කරනනේ ඔහුට තිබුනු මුළු වත්කමෙන් සුළු ප්‍රමානයක් වෙනත් ආකරයකට කිවහොත් තමාගේ සාක්කුවට නොදැනෙන මුදලක් පඩුරු ලෙස දමන ලදී,  දුප්පතා තමාගේ හිඟකමින්, තමාට ජීවිකාවට තිබුණු සියල්ලම පඩුරු ලෙස දමන ලදී.

තමා සතු මුදල කිසි වටිනාකමක් නැති මුදලක් වුවත් දිළිඳු වැන්දඹුව පූජා වීමක් ලෙස, නොහොත් කැප වීමක් ගෙන තමා සතු මුදල් ස්වාමින් වහන්සේට දෙන ලදී.  ක්‍රිස්තුස් වහන්සේ කී දේ නම්, පොහොසත් අයට වඩා මෙම දිළිඳු වැන්දඹුව දෙවියන් වහන්සේට දුන් බවය. අපි ස්වාමින් වහන්සේට හෝ අන් අයට දීමේදී, ස්වාමින් වහන්සේ බලන්නේ කොහෙද? 1 සාමුවෙල් 16:7, මනුශ්‍යන් පිටත පෙනුම බලන් මුත් ක්‍රිස්තුස් වහන්සේ මනුශ්‍යාගේ හදවත දෙස බලන බව සදහන් කරයි. පොහොසතුන් පැමින දේව මාළිගාවට පැමින විශාල මුදල් වලින් පඩුරු දමන ආකරය අන් මනුශ්‍යන් දැක පුදුම වෙන්නට ඇති. එහෙත් දෙවියන් වහන්සේ දැක්කේ ඔවුන්ගේ හදවතේ සැබෑ ආකල්පයයි.

සාරාංශය

 අප ස්වාමින් වහන්සේට දෙන්නේ කෙසෙද? පොහොසතා වාගෙද? නොහොත් දිළිඳු වැන්දඹුව වාගෙද?අප ස්වාමින් වහන්සේට දෙන්නෙ අපගෙ සියලු මුදල් වියදම් කොට ඉන්පසු ඉතුරු වන මුදලද? මනුශයන්ට පෙනෙන ලෙසද අප ස්වාමින් වහන්සේට දෙනු ලබන්නෙ? නැතහොත් ස්වාමින් වහන්සේට ගෞරවයක් ලෙස සහ ස්තුතිවන්ත වීමක් ලෙස, අපට ලැබෙන ප්‍රමානය කොපමන විශාල හෝ කුඩා වුවත්, ත්‍යාගශීලිව හා පුජාවක් ලෙස ස්වාමින් වහන්සේට දෙනවාද? ස්වාමින් වහන්සේට පූජාවක් ලෙස දීම වැය වීමක් සහ කැපවීමක් වේ. ඔබගේ පූජාව මනුශ්‍යන් ඉදිරියේ ඉතා සුළු දෙයක් විය හැක. එහෙත් දෙවියන් වහන්සෙ ඉදිරියේ එය පිළිනොගන්නා වු කුඩා පූජාවක් නොව, උන්වහන්සේව ප්‍රිතිමත් කරන පූජාවක් වේ. එම නිසා මේම කාලයෙදී අපට ලොකු කැපව්විමක් ගන්නට සිදුවුනත් දෙවියන් වහන්සේට දීමට පමනක් නොව අප අවට සිටින මනුශ්‍යන්ටත් දීමේ (හිතොපදේශ 19:17) ත්‍යාගශීලි දෙවියන් වහන්සේගේ දරුවෝ වෙමු.  

 

what-does-the-resurrection-of-christ-mean-to-you
0

යේසුස් වහන්සේගේ උත්ථානය ඔබට බලපාන්නේ කෙසෙද?

 

මෙම ඉරුදින අප සමරන්නේ, යේසුස් වහන්සේ කුරුසියක මැරී තුන් දවසකින් මළවුන් ගෙන් නැගිටිමයි. උන්වහන්සේ මැරුණු නුමුත්, එම මරණය පරාජය කර මළවුන්ගෙන් නැගිටුන ලදී. 

යේසුස් වහන්සේගේ මිත්‍රයකු වන ලාසරස් මළ බව උන්වහන්සේට ආරංචි විය. යේසු තුමා ලාසරස් මරණින් නැගිටවීමට පෙර, පහත සදහන් වන්නේ ලාසරස්ගේ සහෝදරිය වන මාර්තා සහ යේසුස් වහන්සේ අතර ඇති වන දෙබසකි. උන්වහන්සේ මරණින් නැගිටීමෙ වටිනාකම, අපි ලාසරස් මරණින් නැගිටිමේ කථාවෙන් සොයා බලමු.

බයිබල් කොටස

යේසුස්වහන්සේ: නැවතනැගිටීමද ජීවනයද මමය. මා කෙරෙහි අදහාගන්නා මළ නුමුත් ජීවත්වන්නේය. ජීවත්ව සිටින කවුරු නුමුත් මා කෙරෙහි අදහන්නේද, ඔහු කිසිකලකත් නොනසින්නේය. මේක විශ්වාසකරනවාදැයි ඈට කීසේක. ඈ: එසේය, ස්වාමිනි ඔබ දෙවියන්වහන්සේගේ පුත්‍රවූ ලෝකයට එන තැනන්වහන්සේවූ ක්‍රිස්තුස් බව විශ්වාසකරගන සිටිමියි උන්වහන්සේට කීවාය. (යොහාන් 11:25-27) (SROV)

යේසුස් වහන්න්සේ නැවත නැගිටීම සහ ජීවනය වේ

අප කිසි කෙනෙකුට මරණය කියන දෙයින් පළා යෑමට නොහැක. දේපල, මිළ මුදල් වලට සහ තානාන්තර වලට බැහැ මරණය කියාන්නාවු දෙය අභිබවා යන්නට. යේසුස් වහන්සේ මෙසෙ ප්‍රකාශ කරන ලදී, “නැවතනැගිටීමද ජීවනයද මමය”.

“මමය” යන්නෙහි තේරුම නම්, යේසුස් වහන්සේ යනු, නැවත නැගිටීම සහ ජීවනය ලෙසය. එනම්, යේසුස් වහන්සේ කියන පුද්ගලයා සිටින්නෙ කොතැනද, එතැන ජීවනය සහ නැවත නැගිටීම තිබේ.

මළ නුමුත් ජීවත් වෙයි

අපි සැවෝම දවසක මරනයට මුහුන දිය යුතු බව සත්‍යකි, එහෙත් සුභාරංචිය නම්, අපට බලාපොරොත්තුවක් තිබේ. කුමක්ද මේ බලාපොරොත්තුව? අපගෙ ජීවිතය මරනින් අවසාන නොවන බවය. යේසුස් වහන්සේ අදහා ගන්නවු අයට මරණින් පසු ජීවිතයක් උරුම කර දී තිබේ, මන්ද උන්වහ්න්සේ නැවත මරණින් නැගිටුනු නිසාය. උන්වහන්සේ මරණින් නැවත නැගිට්ටා සේම, අපද මතු දවසක මරණින් නැගිටිවනු ලබයි. (යෙසායා 26:19)

ජීවත් වන අය නොනසින්නේය

යේසුස් වහන්සේ, උන්වහන්සේ තුළ මළාවු අයට මතු බලපොරොත්තුවක් දුන්නා පමනක් නොව ජීවත්ව සිටින අයටද බලපොරොත්තුවක් දෙන ලදී. උන්වහන්සේ කී දේ නම්, ජීවත් වන අය යේසුස් වහන්සේගේ ජීවනය ලබන බවය. (1 යොහාන් 5:11) වෙනත් ආකාරයකට කිවහොත්, උන්වහන්සේ සිටින තැන කිසිම මරණිය දෙයක් නොමැත. උන්වහන්සේ ඔබේ ජීවිතයේ සහ ඔබගෙ පවුල සමග සිටින නිසා, එතැන මරණය නොව ජීවනය තිබේ.

සාරංශය

යේසුස් වහන්න්සේ යනු මළවුන් ගෙන් නැගිටුනා වු ස්වාමින් වහන්සේය, උන්වහන්සේ තුල ජීවනයද නැවත උත්ථානය තිබේ. එම නිසා උන්වහන්සේ අදහන්නන්ට උන්වහන්සේගේ ජීවනය සහ මරණින් මතු බලපොරොත්තුවද දෙන ලදී. අද දින ස්වාමින් වහන්සේගේ මරණින් උත්ථාන වීම ගැන අපි ස්තුතිවන්ත වෙමු, මන්ද යේසුස් වහන්සේ අපිත් සමග සිටින නිසා උන්වහන්සේගෙ ජීවනය සහ නැවත නැගිටීම අප සමග පවති.

 

 

three-crosses
0

යේසුස් වහන්සේ කුරුසියේදී පැවසූ අවසන් වදන් හත

 

 

          යේසු සමිදානෝ කුරුස ගහේ එල්ලි අප වෙනුවෙන් දුක් විද මිය යන්නට පෙර උන්වහන්සේ විසින් වදන් හතක් කියන ලදී. අපි බලමු උන්වහන්සේගේ වදන් හතේ තේරුම කුමක්ද කියා සහ මෙයින් අපේ ජීවිතයට අදාල කර ගත හැකිදේ කුමක්ද කියා.

පියාණෙනි, ඔවුන්ට කමාවුව මැනව (ලුක් 23:34)

          උන්වහන්සේ කුරුසියේදී දුක් වින්දේ තමන් කල වැරැද්දක් නිසා නොව, මුලු ලෝකයේ මනුශ්‍යන් පාපය උදේසාය. කුරුසියෙදි උන්වහන්සේගේ පළමු ඉල්ලීම වුයේ තමන්ව කුරුස පත් කල අයවලුන්ට සමාව දීමය. යේසුස් වහන්සේ අපට උගන්වන දේ නම්, අපිට වැරදි කරන අයට සමාව දෙන ලෙසය. 

අදම ඔබ මා සමඟ පරාදීසයෙහි සිටින්නෙහියයි කීසේක. (ලුක් 23:43)

            යේසුස් වහන්සේ කුරුසියේ දුක් විදිමින් සමාව දුන්නා පමනක් නොව, උන්වහන්සේ සමග ඇණ ගසන ලද  සොරාට තම කල වැරදි ගැන පසු තැවුනු විට ඔහුට සමාව දෙන ලදී. (ලුක් 23:39-42) අපගේ පාපයට සමාව දීමට යේසුස් වහන්සේට හැකිය. සමාව දීමට පමනක් නොව මරණෙන් පසු බලාපොරොතුවක් සහ තව දුරටත් දුක නැති පාරාදීසිය නම් ස්ථානයට සොරාව ගෙන යන ලදී.

ස්ත්‍රිය, මෙන්න, ඔබේ පුත්‍රයා! (යොහාන් 19:26)

          යුදෙව් සංස්කෘතියට අනුව, මහලු දෙමාපියන් බලා ගැනීමේ වගකීම ගනු ලැබුවේ පළමු දරුවාටය. උන්වහන්සේට මේ පොලොවේ මනුශ්‍යන් වෙනුවෙන් කරන්නට විශාල කර්තව්‍යක් තිබුනත්, ඔහුගෙ පවුල බලා ගැනීම මග හැරියේ නැත.  යේසුස් වහන්සේ අවසාන මොහොත දක්වා තමාගෙ මව බලා ගත්තා පමනක් නොව එතුමා මැරෙන්නට සිටින අවස්ථාවේ එම වගකීම ඔහුගේ ගෝලයා සහ ලගින්ම සිටි මිත්‍රයා වන යොහාන් හට තම මව බාර දෙන ලදී.

මාගේ දෙවියනි, මාගේ දෙවියනි, ඔබ මා අත්හැරියේ මක්නිසාද (මතෙව් 27:46)

          දෙවියන් වහන්සේ ශුද්ධ දෙවියන් වහන්සේය. යේසුස් වහන්සේ තුල කිසිම පාපිශ්ඨ කැලලක් නොතිබුනි. (1 පෙතෘස් 3:18) එහෙත්, කුරුසියේදී උන්වහන්සේ මනුශ්‍යාගේ සියලුම පාප තම කර පිටට ගත් මොහොතේම, පියණන්වහන්සේ තම පුත්‍රයා වන යෙස්සුස් වහන්සේ සමග තිබුන ආත්මික සම්න්ධතාවය බිද වැටිනි. මන්ද දෙවියන් වහන්සේ ඉදිරියේ පාපය පවතින්නට නොහැකි නිසා.(යොහාන් 3:16)

මට පිපාසයයි (යොහාන් 19:28)

          යේසුස් වහනසේ යනු දෙවියන් වහන්සේ වුවත්, මෙම අවස්ථාවේ මනුශ්‍යකු ලෙස දුක් විදින ලදී.  උන්වහන්සේ මනුශ්‍යකු ලෙස මේ පොලවට පැමිනියේ අපගෙ පාපයට සමාව දීමට පමනක් නොව මනුශ්‍යාගේ දුක තෙරුම් ගැනීමටය. (හෙබ්‍රෙව් 4:15) උන්වහන්සේ කුරුසයේදී අප වෙනුවෙන් මහත් දුකක් ශාරිරිකව වින්ද බව මෙයින් තේරුම් ගත හැක.

තීන්දුවුණේය (යොහාන් 19:30)

          යේසුස් වහන්සේ වේදනාවෙන් සිටියත්, මෙය ජයග්‍රාහිකව කරන ලද ප්‍රකාශයකි. එනම් “සියල්ල අවසන්”. උන්වහන්සේ මෙසේ කීවේ ඇයි? යේසුස් වහන්සේ, පියාණන් විසින් දුන් කාර්‍ය අවසන් කර, සාතන් ගේ බලය විනාශ කොට, උන්වහන්සේ ගැන ලියා තැබු සෑම අනාගතවක්‍යාන් සම්පුර්ණ කර තමාගෙ දුක් විදීම අවසන් කර නිසාය.

පියාණෙනි, ඔබගේ අතට මාගේ ආත්මය භාරදෙමියි (ලුක් 23:46)

          යේසුස් වහන්සේ මිය යන්නට ප්‍රථම මෙසේ කියන ලදී. මන්ද උන්වහන්සේ තමන් ගේ කාර්‍ය අවසන් කර, තම ආත්මය නිදහස් කල යුතු වේලාව පැමින ඇති බැවිනි. යේසුස් වහන්සේ කී දේ නම්, තම කැමැත්තෙන්ම උන්වහන්සේ ප්‍රේම කරන අය වෙනුවෙන් පූජා කරන බවය. (යොහන් 10:17-18). එහෙයින්, යේසුස් වහන්සේ මිය ගියේ, මරණය උනවහන්සේ තෝරා ගත් නිසා නොව, උන්වහන්සේ මරණය තොරා ගත් නිසාය. මන්ද මනුශ්‍යාට පාපයෙන් නිදහස ලැබෙන්නේ යේසුස් වහන්සේගෙ පූජාවෙන්ම පමනක්ම බැවිනි.

සාරංශය   

          යේසුස් සමිදානෝ තම කැමත්තෙන්ම කුරුසියේ දිවි පිදුවේ ඔබෙත් මගෙත් පාපය උදෙසාය. උන්වහන්සේ කුරුසියෙදිත් තමාට විරුද්දව වැරදි කර අයට සමාව දුන්නේය, මනුශ්‍යාට බලපොරොත්තුවක් ගෙන දුන්නෙය. මනුශ්‍යයෙකු ලෙස දුක් වින්දේය. ඒ සියල්ල කලේ තම පියාණන්වහන්සේගෙ කැමත්ත ඉශ්ඨ කොට මනුශ්‍යන්ට අකුසලෙන් නිදහස ලබා දී ජීවනයට ගෙන ඒමටය.

 

 

covid-19
0

කොරෝනා වෛරසයට කිතුනුවාගේ ප්‍රතිචාරය කුමක්ද?

 

 

මෙම කාලයේදී අප වැඩිපුර අසනු ලබන්නේ අද ලෝකය පුරා පැතිරී ඇති කොරෝනා වසංගත තත්වයයි. දවසින් දවස මුලු ලෝව පුරා සහ ශ්‍රි ලංකාවේද අසාදිත සහ මරණයන් වැඩි වීමක් දක්නට ලැබේ. මෙම වසංගතයේ භයානක කම සහ බැරෑරැම් කම ගැන සැම විටම රූපවාහිනියෙන් සහ මනුශ්‍යයන් ගෙන් අසන්න ලැබේ. මෙම කාලයේදි අප රජයේ ජාතික වැඩ පිළිවලට සහයෝගය දැක්වීම අපගේ රටේ පුරවැසියන් ලෙස අපගේ වගකීම වන අතර කිතුවන් ලෙස අප කොරෝනා වෛරසයට ප්‍රතිචාර දැක්විය යුත්තෙ කෙසෙද කියා දේව වචනයෙන් සොයා බැලිමද ඉතා වැදගත් වේ.    

බයිබල් කොටස

ඉඳින් නුඹලා ක්රිස්තුස්වහන්සේ සමඟ නැගුටුවනලද්දහු නම් උසස් තැන්හි තිබෙන දේවල් සොයාගන්න. එහි ක්රිස්තුස්වහන්සේ දෙවියන්වහන්සේගේ දකුණු පැත්තේ වැඩහිඳිනසේක. පොළොවේ තිබෙන දේ නොව උසස්තැන්හි තිබෙන දේම සලකන්න.මක්නිසාද නුඹලා මළහුය, නුඹලාගේ ජීවනය ක්රිස්තුස්වහන්සේ සමඟ දෙවියන්වහන්සේ තුළ සඟවා තිබේ.”  (කොලොස්සි 3:1-3) (SROV)

පසුබිම

කොලොස්සි පොත ලියන ලද්දේ අපොස්තලු පවුල් විසිනි. පවුල් තුමා මෙම කොටස ලියන්න හේතු වුන කාරණය නම් ව්‍යාජ ගුරුවරුන් පැමින  කොලොස්සි කිතුනුවන්ට දේවදුත නමස්කාර (කොලොස්සි 2:18) කිරීමට උනන්දු කිරීම සහ කිතු දහම පිළිබද බොරු ඉගැන්වීම් (කොලොස්සි  2:20-21, 23) ගෙන ඒම නිසාය.

අප ස්වාමින් වහන්සේ සමග උත්තාන කර ඇත. (කොලොස්සි 3:1)

මනුශ්‍යාගේ පාපයේ ප්‍රතිඵලයක් ලෙස වසංගත අද ලෝකයෙ දක්නට ඇත. එහෙත් මීට අවුරුදු 2000 කට පමන ප්‍රථම යේසුස් වහන්සේ ඔබගෙත් මගෙත් පාපය උදේසා කුරුසියක දිවි පිදීය. එසේ දිවි පිදුවේ අපව එම පාපය සහ එහි ප්‍රතිඵලයෙන් නිදහස් කරන පිණිසය. වසංගත යනු පාපයේ  එක් ප්‍රතිඵලයක් ලෙස උදාහරණයට ගත හැක.

යේසුස් වහන්සේ අපගේ අකුසල තම කර පිටට ගෙන දිවි පිදුවා පමණක් නොව පාපයේ අවසාන ප්‍රතිඵලය වන මරණය පවා පරාජය කර නැවත නැගිටුන ලදී.  කිතුවන් ලෙස අපට තිබෙන සුභ අරංචිය නම් යේසුස් වහන්සේ මළවුන් ගෙන් උත්ථානව අද ජීවමානව සිටින බවයි.

ඉහත දේව වචනයට අනුව (කොලොස්සි 3:1-3), කිතුනුවනුත් යේසුස් වහන්සේ සමග උත්ථාන වී ඇත. අප යේසුස් වහන්සේ සමග උත්ථානවී ඇති නිසා, අපට නව ජීවිතයක් උන්වහන්සේ තුළ ඇති බව සදහන් කරයි. එතුමා අප හට අත් කර දුන් මිදීම හෙවත් නිදහස තුල ගමන් කිරිම, නව ජිවිතය ලෙස හැදින්විය හැක.

අප උසස් තැන්හි තිබෙන දේ සෙවිය යුතුය (කොලොස්සි 3:1)

අප උන්වහන්සේ සමග උත්ථාන කර ඇති බැවින් අප ජිවිතයේ කාරණා සහ ලෝකයේ කාරණා දකින ආකාරය වෙනස් විය යුතුය. එසේ නම් අප දකිය යුත්තේ කෙසේද? අපි අපගේ ජිවිතයේ කාරනා සහ ලෝකයේ කාරනා දැකිය යුත්තෙ යේසුස් වහන්සේ දකින ආකාරයටය.

පාවුල් තුමා මෙම කොටස ලියන ලද්දේ, කොලොස්සියේ මනුශ්‍යන් දේව දුතයන් වන්දනා කිරීම නිසා හා ව්‍යාජ ඉගැන්වීම් ගෙන ආ නිසාය. අප දේව දුතයන් වන්දනා කරන්නේ නැත. යේසුස් වහන්සේ අපගේ ස්වාමින් වහන්සේ බව විශ්වාස කර නමස්ස්කාර කරන බව සැබෑය.

එහෙත් මුලු ලෝව පුරා සහ ශ්‍රි ලංකාවේද අසාදිත සහ මරණ සංඛ්‍යාව වැඩි වීමක් දක්නට ලැබෙද්දී, මෙම වසංගතයේ භයානක කම සහ බැරෑරැම් කම ගැන සැම විටම රූපවාහිනියෙන් සහ මනුශ්‍යයන් ගෙන් අසන්න ලැබෙද්දි, අපගේ ප්‍රතිචාරය කුමක්ද? මෙම කාලයදී ඔබගෙ අවධානය වැඩි පුර දී ඇත්තෙ කාටද? මෙම කාළයේදි ඔබ උසස් කරන්නෙ කවුද? මනුශ්‍යන් දහස් ගණනින් රෝගි හා මරනයට පත් කරන කොරොනා වෛරසයද නැතහොත් සෑම රෝගයකින් හා වසංගතයකින් අප මිදිය හැකි යෙසුස් වහන්සේද?

“ස්වාමීන්ගේ දූතයා උන්වහන්සේට භය ඇත්තන් හාත්පස කඳවුරු බැඳ, ඔවුන් මුදාහරියි.” (ගීතාවලිය 34:7) (SROV)

ඔබගෙ ප්‍රතිචාරය මත, මෙම කාලයේදී, ඔබ නමස්කාර කරන්නෙ යේසුස් වහන්සේද, නැතහොත්, කොරොනා වෛරසයද යන්න තීරනය වේ. එහෙයින් අප උසස් තැන් හි තිබෙන දේම සොයමු.

එහි ක්‍රි‍ස්තුස්වහන්සේ දෙවියන්වහන්සේගේ දකුණු පැත්තේ වැඩහිඳිනසේක. (3:1)

දේව වචනයේ මෙසේ සදහන් කරයි,

            “එබැවින් දෙවියන්වහන්සේ උන්වහන්සේව ඉතා උසස්කොට, සියලු නාමවලට වඩා උසස් නාමය උන්වහන්සේට දුන්සේක. එසේ කළේ, ස්වර්ගයෙහිද පොළොවෙහිද පොළොව යටද සියල්ලන් යේසුස් යන නාමයෙන් දණ නමන පිණිසත්, යේසුස් ක්රිස්තුස්වහන්සේ ස්වාමීන්වහන්සේ බව පියවූ දෙවියන්වහන්සේගේ ගෞරවය සඳහා සියලු දිව්වලින් ඒත්තුගන්න පිණිසත්ය.” (පිලිප්පි 2:9-11) (SROV)

අද ලෝකයේ බලවත් යැයි සිතු රටවල් සහ එහි රජයන් වැටි ඇත. එහෙත් ස්වාමින් වහන්සේ සියලු බලයෙන් හා ආධිපත්‍ය ඇතුව, ස්වර්ගයේ, දෙවියන් වහන්සේගෙ දකුනු පැත්තේ වාඩි වී සිටින සේක.

            අපගේ ජිවිතයේ සහ ලෝකයේ කාරණා, යේසුස් වහන්සේ දකින ආකාරයට, දකින්න පටන් ගත් විට, අපට තෙරුම් යන්නා වු දේ නම්, යේසුස් වහන්සේ මේ සියල්ලට වඩා ඉහලින් හා බලවත්ව සිටින බවය. (මාක් 14:62) (SROV)

            මෙය තෙරුම් ගත් විට,  අප යේසුස් වහන්සේට යාක්ඥා කරන ආකරය වෙනස් වේ, අප උන්වහ්සේට නමස්කාර කරන ආකාරය වෙනස් වේ. යේසුස් වහන්සේට අපිත් සමග කල හැකි දේ පිලිබද අපට දැක්මක් ඇති වේ.

සාරංශය

එසේ නම් අපි කුමක් කරමුද? රජයේ ජාතික වැඩ පිළිවලට සහයෝගය දැක්වීම සහ වෛද්‍ය උපදෙස් පිලිපැදීම ශ්‍රි ලංකීය පුරවැසියන් ලෙස අපගේ වගකීම වේ. ඒ සමගම අප දැන ගත යුතු දේ නම්  ක්‍රිස්තුස් වහන්සේ සමග අප උත්ථානය කර ඇති බැවින්, අප උසස් තැන් වල තිබෙන දේ සෙවිය යුතු බවය. එනම් යේසුස් වහන්සේ අප දෙස දකිනා ලෙසම, අපිත් දැකිය යුතු බවය. උන්වන්සේ අපට මෙසේ සදහන් කරන සේක. 

“නුඹට කිසි නපුරක් නොපැමිණෙන්නේය, නුඹේ කූඩාරමට වසංගතයක් ළං නොවන්නේය.” (ගීතාවලිය 91:10) (SROV)

එහෙත් යේසුස්වහන්සේ එකෙණෙහිම ඔවුන්ට කථාකොට: ධෛර්යවත් වෙන්න; මමය; භය නොවෙන්නැයි කීසේක. (මතෙව් 14:27) (SROV)

නුඹලා වෙත සමාදානය තබා යමි; මාගේ සමාදානය නුඹලාට දෙමි. මා දෙන්නේ ලෝකයා දෙන්නාක් මෙන් නොවේ. නුඹලාගේ සිත් කැලඹෙන්ටවත් භයවෙන්ටවත් නොදෙන්න. (යොහාන් 14:27) (SROV)

මා තුළ නුඹලාට සමාදානය තිබෙන පිණිස මේ දේවල් නුඹලාට කීවෙමි. ලෝකයෙහි නුඹලාට පීඩා තිබේ. නුමුත් ධෛර්යවත්වෙන්න; මම ලෝකයෙන් ජයගතිමියි කීසේක. (යොහාන් 16:33) (SROV)

යේසුස් වහන්සේ අපගේ ජීවිත දෙස දකින්නෙ මේ ආකරයටය, එසේ නම් අපිත් උන්වහ්සේ කෙරෙහි විශ්වාස කර අපගෙ ජීවිත දෙසද මෙසේ දකිමු.

කිතුනුවා
0

යේසුස් වහන්සේට බැටළු එඩේරා කියන්නේ ඇයි?

 

         අපි සැවොම එදිනෙදා ජිවිතයේ කරදර වන කාරණයන් බොහෝමයක් ඇත. එයින් ප්‍රධාන දෙයක් වනුයේ අපගේ අවශ්‍යතාවයන් වේ. අපි දේව වචනයෙන් සොයා බලමු අපගේ අවශ්‍යතාවයන් දෙවියන් වහන්සේ දකින්නේ කෙසෙද කියා සහ යේසුස් වහන්සේ අපගේ බැටළු එඩේරා ලෙස සදහන් කරනේ ඇයි කියා.  

ස්වාමීන්වහන්සේ මාගේ එඬේරාය; මට හිඟයක් නොවන්නේය. උන්වහන්සේ නිල් ගොදුරු බිම්වල මා ලගින්ට සලස්වනසේක. නිශ්චලවූ දිය අසලින් මා ගෙනයනසේක. උන්වහන්සේ මාගේ ආත්මය ප්‍රාණවත්කරනසේක; ස්වකීය නාමය නිසා ධර්මිෂ්ඨකමේ මාවත්වල මා ගෙනයනසේක. එසේය, මරණ සෙවණේ මිටියාවත මැදින් යන්නෙම් නුමුත්, කිසි උපද්‍රවයකට භය නොවන්නෙමි; මක්නිසාද ඔබ මා සමඟය. ඔබගේ දණ්ඩෙන් හා සැරයටියෙන් මට සැනසිල්ල ලැබේ.                                                                              ගීතාවලිය 23:1-4 (SROV)

පසුබිම

      බැටළුවන් බලා ගැනිමෙ කාර්‍ය කරන ලද පුද්ගලයා හදුන්වන්නේ බැටළු එඩේරා ලෙසය. ඉස්රායෙල් දේශයේ වැඩි වශයෙන් කාන්තාර ප්‍රදේශ බැවින් තෘණ භූමි සොයා ගැනීම ඉතා අපහසු කාර්යයක් විය. බැටළුවන් එළුවන් මෙන් නොවන අතර, උන් ආහාර සහ වතුර ලබා ගැනීමට තම එඩේරා මතම යැපෙන සතුන් වේ. බැටළු එඩේරා සෑම විටම තම බැටළුවන්ව ඉදිරියෙන් ගොස් තෘණ භුමි සොයා දෙන අතර දිය බීමට සුදුසු ස්ථාන ද සොයා දෙයි. සැරයටිය හෝ දණ්ඩ එඩේරා විසින් පාවිච්චි කරන ලද්දේ අමාරු ස්ථානවල ගමන්ව කිරීමට, බැටළුවන්ව පාලනය කිරීමට සහ නපුරු සතුන්ගෙන් බැටළුවන්ව ආරක්ෂා කර ගැනීමටය.

නිල් ගොදුරු බිම් කරා…

         දෙවියන් වහන්සේ අපගේ එඩේරා බවත් අපි උන්වහන්සේගේ බැටළුවන් බවත් ඉහත දේව වචනයෙන් රූපනය කරයි. මෙහි “නිල් ගොදුරු බිම” ලෙස අදහස් කරන්නේ පෝෂනය සහ අධික සැපයයීමයි.  බැටළුවන්ට තම එඩේරා ආහාර සහ වතුර සපයන සේම, දෙවියන්වන්සේද අපට කිසිම අඩුවක් නොවන පිණිස අපගේ සෑම අවශ්‍යතාවයක්ම සපයන සේක. එපමනක් නොව, උන්වහන්සේ අපව නිශ්චලවූ දිය අසලින්ගෙන යන සේක. හෙබ්‍රෙව් භාෂාවෙන් “නිශ්චල”, (מְנוּחָה (menû·ḥā(h)) යන්නෙන් අදහස් කරන්නෙ, ස්වාමින් වහන්සේ ගිම නිවන්න සහ සුරක්ෂිතභාවය දෙන බවය. කාන්තාරයේ තම බැටළුවන්වව සාරවත් තෘණ භුමිය කරා යන සේම, මෙම අමාරු කාලයේදිත්, අප අවට කාන්තාරයක් ලෙස පෙනුනත් එසේ නැතහොත්, සැපයීමක් කියන දෙයක් පෙනෙන තෙක් මානයක නොතිබුනත්, ස්වාමින්ව වහන්සේ අපට සපයන්න පමනක් නොව අප ගමන් ගන්නා වු ජිවිත ගමනේ ගිම නිවන්න සහ ජිවිතයට සුරක්ෂිතබවක් දෙන බවය. 

ධර්මිෂ්ඨකමේ මාවත්වල…

       උන්වහන්සේ අපට සැපයීමට පමණක් නොව අපගේ ආත්මය නැවුම් කරමින් අපව ගෙන යනු ලබයි. උන්වහන්සේ අප ඉදිරියෙන් ගමන් කොට අපට අවශ්‍ය මග පෙන්වීමද ලබා දෙයි. බොහෝ අවස්ථා වලදී අපි අපගේ අනාගතය ගැන සහ එදිනෙදා ජිවිතයේ අප විසින් ගන්නා ලබන තීරන ගැන අපට ස්ථිරත්වයක් නොමැත. හිතෝපදේශ පොතේ මෙසෙ සදහන් වේ; “ධර්මිෂ්ඨකමේ මාවතෙහි ජීවනය වේ; ඒකේ මාර්ගයෙහිද මරණය නැත.”  (හිතෝපදේශ 12:28). දෙවියන් වහන්සේ අපව ගෙන යන මාර්ගයේ ජීවනයේ මාර්ගය වේ. අප දෙවියන් වහසේට කිකරු වී ගමන් ගන්නා විට එහි අවසානය සෑම විටම ජීවනය වේ. 

දණ්ඩ හා සැරයටියේ සැනසිල්ල…

      දණ්ඩ සහ සැරයටිය දෙවියන් වහන්සේගේ දිව්‍ය ආරක්ෂාව සහ විනයට පත් කිරීම යන අදහස දෙනු ලබයි. මරණේ සෙවනේ මිටියාවතෙ ගියාත් බය නොවන හේතුව නම්, බැටළුවන් ඉදිරියෙන් එඩේරා යන නිසාය. ඔහු බැටළුවන්ට ඉදිරියෙන් ගොස් බැටළුවන්ට යාමට හැකි වන පිණිස ගල් මුල් ඉවත් කොට පාර සාදා දෙයි. සැරයටිය එම මාරගයේ යෑමට මහත් රුකුලක් ගෙන දෙයි. නපුරු සත්වයන් ගෙන් බැටළුවන් ආරක්ෂා කරන පිණිස මුගුර පවිච්චි කරයි. අප මරණිය වාතාවරණයක මෙම කාලයේදී යාමට සිදු වුවත් ස්වාමින්ව වහන්සේ අපගේ ආරක්ෂා කරන සේක. එම නිසා දණ්ඩ සහ සැරයටිය බැටළුවන්ට මහත් සැනසිල්ලක් ගෙන දෙයි.   

සාරංශය

         යේසුස් වහන්සේ මෙසේ කීසේක, “මම යහපත් බැටළු එඩේරාය; පියාණන්වහන්සේ මා අඳුනන්නාක් මෙන්ද, මා පියාණන්වහන්සේ අඳුනන්වනාක්මෙන්ද, මම මාගේ බැටළුවන්ව අඳුනමි. මාගේ බැටළුවෝද මා අඳුනති; බැටළුවන්ව උදේසා මාගේ ප්‍රාණය දෙමි.” (යොහාන් 10:14-15)

         යේසුස් වහන්සේ අපගේ බැටළු එඩේරාණෝය, උන්වහන්සේ අපව නමින් හදුනති. ස්වාමින් වහන්සේ අපට බැටළුවන් බලාගන්නාවු එඩේරෙකු වාගෙ අපට සපයමින්, රැක බලාගනිමින්, අපගෙ වෙහෙස නිවමින්, පෝෂනය කරමින්, සුරක්ෂිත කරමින්, ජීවනයට මග පෙන්වමින් හා සතුරු උවදුරෙන් අපිව ආරක්ශා කරමින් අපව රැගෙන යන තැණන්වහන්සේය. එම නිසා මෙම අමාරු සහ පීඩා කාළය තුලදී යේසුස් වහන්සේ අපදේ බැටළු එඩේරා බව සිහි කරමින් උන්වහන්සේගේ මග පෙන්වීමට සහ රැකවරණයට යටත් වෙමු.

 

 

 

Praying-with-the-bible
0

වසංගත සහ පීඩා කාළයේදී අප යක්ඥා කළ යුත්තේ කෙසේද?

 

         සලමොන් රජතුමා රජ වු අවස්ථාවේ ඔහු ස්වාමින් වහන්සේට යක්‍ඥා කර ඉල්ලු දෙයක් නම් දේශය පාලනය කිරිමට අවශ්‍ය ප්‍රඥාව ලබ දෙන ලෙසයි. මන්ද රටක් පාලනය කිරීම සදහා දෙවියන් වහන්සේගේ මගපෙන්වීම අත්‍යාවශ්‍යය බව ඔහු දැන සිටි බැවිනි. දෙවියන්වහන්සේගේ සෙනගක් ලෙස මෙම කාලයේදී අපගේ දේශය වෙනුවෙන් අප කළ යුත්තේ කුමක්ද? කිතුනුවකු ලෙස යාක්ඥා කිරීම ඉතා වැදගත් බව අප සැවෝම දන්නා වු කාරණයකි, එම නිසා අපගේ දේශය වෙනුවෙන් යාක්ඥා කිර්‍රිමට අපට වගකීමක් ඇත. මෙම දේව වචනයෙන් ස්වාමින් වහන්සේ පෙන්වන දේ නම් පීඩා සහ වසංගත කාලයේදී අප කෙසේද අපගෙ දේශය වෙනුවෙන් යක්ඥා කල යුත්තෙ කියාය. 

පසුබිම

         සලමොන් රජතුමා විසින් ගොඩ නැගුවාවූ දේව මාළිගාව දෙවියන්වහන්සේ හට කැප කර යක්ඥා කර පසු ස්වාමින් වහන්සේ ඔහුගේ යාඥාවට දුන් පිළිතුරු මෙම පද කිහිපයේ සදහන් වේ. සලමොන් රජතුමා යනු කවුද? සලමොන් රජතුමා යනු දාවිත් රජතුමාගේ සහ බෙත්ශේබාගේ පුත්‍රයාය. දාවිත් රජතුමාගෙන් පසු ඊශ්‍රායෙල් දේශයේ තුන්වන රජතුමා ලෙස ක්‍රිස්තු පුර්ව 960 දී පමණ රාජාභිෂේකය ලැබිය. හිතෝපදේශ පොත ලියන ලද්දේ සලමොන් රජතුමා විසින් වන අතර ඔහුගේ ප්‍රඥාව මුළු ලොව පුර ප්‍රසිද්ධ විය. ඔහු ගැන වැඩි විස්තර සදහා 1 රාජාවලිය 1 වන පරිච්ඡේදය සිට සදහන්ව ඇත. 

මාගේ නාමය දරන මාගේ සෙනඟ යටත්වී යාච්ඤාකර මාගේ මුහුණ සොයා තමුන්ගේ නපුරු මාර්ග අත්හැරියොත්, මම ස්වර්ගයේ සිට අසා ඔවුන්ගේ පව් කමාකොට ඔවුන්ගේ දේශය සුවකරන්නෙමි. (2 ලේඛම් 7:14) (SROV)

ස්වාමින් වහන්සේ ඉදිරියේ යටත් වීම

          ස්වාමින් වහන්සේ ඉදිරියේ යටත් වීම යන්නෙහි අරුත අප තේරුම් ගත යුත්තේ කෙසේද?  දේව වචනයේ මනුෂ්‍යයා යනු කවුද කියා මෙසේ සදහන් කරයි.

“මක්නිසාද හෙට මක්වේද කියා ඔබ සැම දන්නේ නැත. ඔබ සැමගේ ජීවිතය මොකක්ද? ඔබ සැම ස්වල්ප වේලාවක් පෙනී පසුව නොපෙනී යන මීදුමක්ය.” (යාකොබ් 4:14) (SROV)

මාංසමයවූ සියල්ලෝම තණකොළ මෙන්ය, ඔවුන්ගේ මුළු තේජස තණමල මෙන්ය. තණකොළ වියළීයයි, මල් වැටේ. (1 පේතෘස් 1:24)

            මෙම කාලයේ අප තේරුම් ගත යුතු දේ නම් මනුෂ්‍ය වර්ගයා මුහුණ දෙන මේ පීඩා කාලයෙන් මුදවා ගැනීමට හැකියාව ඇත්තේ සර්වබලධාරී දෙවියන්වහන්සේට පමණක් බවය. එම නිසා අප ස්වාමින්වහන්සේට යටත් වී කීකරු වෙමු, මන්ද අප තණකොළ මෙන් හා මීදුම මෙන් වේ, එහෙත් අපගේ දෙවියන්වහන්සේ සදාකාලික සහ සහ සියළු බලයෙන් යුතු තැනන් වහන්සේ වේ. (ගීතාවලිය 147:5, යෙසායා 40:28)

උන්වහන්සේගේ මුහුණ සෙවීම

           මෙම කාලයේදී අප විසින් ස්වාමින් වහන්සේගේ මුහුණ සෙවීම (නමස්කාර, යක්ඥා කිරීම, දේව වචනය කියවීම) කල යුතු වේ. අපගේ සියලු පුද්ගලික වැඩසටහන් පසෙක ලා ස්වාමින් වහන්සේ සමග සම්බන්ධ වීමට මුළු සිතින් හා ආත්මයෙන් අදිටන් කර ගත යුතු වේ. (ද්වීතීය කථාව 4:29, ජෙරමියා 29:13) 

නපුරු මාර්ග අත්හැරීම

          අප අපගේ පාපයන් (අකුසල) හා අපගේ දේශයේ සිදුවන පාපිෂ්ඨ ක්‍රියා වලට පසුතැවිලි විය යුතුය. දෙවියන්වහන්සේ උන්වහන්සේගේ දරුවන්ට කී දේ නම්, මා ශුද්ධව සිටින්නාක් මෙන් ඔබද ශුද්ධව සිටින ලෙසය. (1 පේතෘස් 1:16) 

නෙහෙමියා තම දේශය වෙනුවෙන් පසුතැවී යක්ඥා කර ආකාරය ආදර්ශය කොට ගෙන අපද අපගේ දේශය වෙනුවෙන් යක්ඥා කල හැක. (නෙහෙමියා 1:1-10)

ස්වාමින් වහන්සේගේ කැමැත්ත දැන ගැනීම

         උන්වහන්සේ ඉදිරියෙහි අපට තිබෙන නිසැකකම නම්, අප උන්වහන්සේගේ කැමැත්ත ලෙස යමක් ඉල්ලුවොත් උන්වහන්සේ අපේ ඉල්ලීම අසන බවය. අප යම් දෙයක් ඉල්ලන කල උන්වහන්සේ අසන බව අපි දනිමු නම්, අප උන්වහන්සේගෙන් ඉල්ලූ දේ අපට ලැබෙන බව දනිමුව. (1 යොහන් 5:14-15)

         දෙවියන්වහන්සේ වහන්සේගේ හදවතේ ආශාව නම්; “නුමුත් සියල්ලන්ම පසුතැවිලිවෙනවාට මිස කිසිවෙක් විනාශවෙනවාට උන්වහන්සේ නොකැමැතිව, ඔබ සැම කෙරෙහි බොහෝ කල් ඉවසනසේක.” (2 පේතෘස් 3:9) (SROV)

සාරාංශය

         අප ස්වාමින් වහන්සේට යටත් වී, උන්වහසේගේ මුහුණ සොයා, නපුරු මාර්ග අත්හැර පසුතැවී අපගේ දේශය ගැන යක්ඥා කරන විට ස්වාමින් වහන්සේ අපගේ හඩ අසා අපගේ දේශය සුව කරන සේක මන්ද එය ස්වාමින් වහන්සේගේ කැමැත්ත වේ.

 

 

 

Copyright © 2020 Kithunuwa. All rights reserved.